Am Wasanaeth Atgyfeirio ar ôl Arestio Cranstoun:

Mae ein timau ymroddedig a phrofiadol iawn yn gweithio yng nghanolfannau dalfa Heddlu Gorllewin Canolbarth Lloegr a chanolfannau cyfiawnder Heddlu Swydd Warwig, gan gynnig cyngor, gwybodaeth ac atgyfeiriadau ymlaen i driniaeth ar gyfer unigolion sydd â phroblemau defnyddio sylweddau ac sydd wedi cael eu harestio gan yr heddlu.

Mae ein dull arloesol yn rhoi arbenigwyr ynghylch defnyddio sylweddau yn nalfa’r heddlu, er mwyn cynnal asesiadau trylwyr o ddarpar droseddwyr.  Rydym yn cynnig asesiadau holistig ac atgyfeiriadau er mwyn rhoi sylw i anghenion unigol megis defnyddio sylweddau, iechyd meddwl, cyflogaeth, gamblo a cham-drin domestig.

Trwy fynd i’r afael ag achosion sylfaenol troseddu, byddwn yn lleihau aildroseddu trwy gyfrwng ymyriadau amserol ac wedi’u teilwra.

Ein gwasanaeth:

• Helpu i dyfu a gwella rhaglenni Prawf Cyffuriau wrth Arestio (DToA)
• Gweithwyr cyffuriau atgyfeirio wrth arestio arbenigol sy’n gweithio ym mlociau dalfa’r heddlu, am oriau sylweddol (gan gynnwys gyda’r hwyr ac ar benwythnosau) yn cwblhau asesiadau gorfodol a gwirfoddol
• Cyfarfod pobl lle y maent – ymgysylltu,cymell a chynorthwyo newid cadarnhaol
• Ymyriadau cyflym – cwblhau asesiadau holistig yn y blociau heddlu gan ein gweithwyr
• System atgyfeirio hawdd a chyflym – system archebu digidol hawdd i’w defnyddio ar gyfer Asesiadau Gofynnol pan na fydd gweithwyr ar y safle
• Rhoi cyngor Lleihau Niwed a darparu offer i bawb, er mwyn cadw pobl yn ddiogel
• Mae’r model yn gwaredu loteri cod post trwy gynnig gwasanaeth arbenigol annibynnol i bawb sy’n cael eu harestio ac yn nalfa’r heddlu

Canlyniadau:

• Lleihau aildroseddu
• Cynyddu gweithgarwch a chydymffurfiaeth â rhaglenni DToA yn sylweddol
• Gwella llwybrau trin
• Darparu cyflenwadau a chyngor lleihau niwed sy’n achub bywydau
• Rhoi hwb i ganlyniadau cymdeithasol ac iechyd troseddwyr
• Addysgu defnyddwyr gwasanaeth am effaith defnyddio sylweddau ar droseddu
• Arbed arian i drethdalwyr