Dolen i weld y dudalen hon yn Saesneg.

Pam bod Cranstoun yn helpu

Rydym yn gweithio gyda’r system cyfiawnder troseddol i dorri cylch troseddu a defnyddio sylweddau mor gynnar ag y bo modd.  Trwy ymgysylltu â’n gwasanaethau, bydd pobl yn cael y cyfle i wneud newidiadau cadarnhaol i wella eu bywydau a’r cymunedau y maent yn byw ynddynt.

Ar hyn o bryd, mae Cranstoun yn cynnal nifer o Wasanaethau Cyfiawnder Troseddol ar draws rhanbarthau, gan gynnwys Atgyfeirio ar ôl Arestio, DIVERT™ (dargyfeirio cyffuriau cyn arestio), Trais sy’n Gysylltiedig ag Alcohol, a Cham-drin Domestig sy’n Gysylltiedig ag Alcohol.  Rydym hefyd yn cynnig triniaeth defnyddio sylweddau seicogymdeithasol yn CEF Birmingham.

Trwy roi’r unigolyn wrth wraidd ein cymorth, sicrhau bod empathi yn ganolog a chynnig gwybodaeth a dealltwriaeth, gallwn greu cymunedau mwy diogel trwy leihau aildroseddu a gwella mynediad i wasanaethau.

Sut mae Cranstoun yn helpu

Mae Cranstoun yn gwneud gwaith uniongyrchol gyda sefydliadau statudol a sefydliadau trydydd sector yn y system cyfiawnder troseddol er mwyn cynorthwyo ac addysgu troseddwyr, dioddefwyr, tystion a’r gymuned ehangach.  Trwy gynnig dulliau cymorth ac ymyrraeth amgen, gallwn greu newid cadarnhaol ym mywydau pobl.

Rydym yn arbenigo mewn gwasanaethau yn y ddalfa a thu hwnt i’r ddalfa, gan gynorthwyo wrth gynllunio systemau i wella llwybrau lleol, rhanbarthol a chenedlaethol.

Gall Cranstoun gynnig y cymorth canlynol:

• Asesu holistig sy’n canolbwyntio ar yr unigolyn
• Cyngor a gwybodaeth wedi’i theilwra

• Atgyfeirio ymlaen i gyngor a thriniaeth arbenigol

• Hyfforddiant a chyflenwi Naloxone

• Rhaglenni addysg i roi sylw i drais sy’n gysylltiedig ag alcohol a chyffuriau

• Cymorth ar gyfer cysylltiadau cymunedol a gyda’r heddlu

• Cymorth ar ffurf ymyrraeth gynnar

Mae gan bawb eu taith eu hunain, eu profiad eu hunain a’u llwybr eu hunain mewn bywyd.  Yn Cranstoun, rydym yn deall hyn, a byddwn wastad yn ceisio gweithio gydag unigolion, systemau a sefydliadau i sicrhau’r gorau gan y rhai sy’n ymgysylltu gyda ni.

Trowch at y rhaglenni a gynigir isod i ddysgu mwy.