Rydym yn darparu amrediad o ymyriadau ar gyfer y rhai sy’n cael eu heffeithio gan alcohol a chyffuriau.  Mae ein tîm medrus a thosturiol yn cydweithio’n agos gyda phobl sydd yn y carchar er mwyn newid bywydau mewn ffordd gadarnhaol, gwella bywydau ac achub bywydau.

Rydym yn cyfuno hanes o arbenigedd ym maes triniaeth ac adfer gyda dulliau gweithredu arloesol, gan gynnwys y rhai yr ydym yn eu helpu wrth wella cynllun y gwasanaethau yr ydym yn eu darparu.

Sut mae Cranstoun yn helpu:

• Ymyriadau un-i-un gan gynnwys gwaith ysgogiadol a lleihau niwed
• Cynorthwyo cleifion i wneud newidiadau cadarnhaol er mwyn paratoi ar gyfer eu rhyddhau i’r gymune
• Gweithio mewn ffordd ystyriol o drawma er mwyn cynnig cyngor, eiriolaeth ac ymyriadau seicogymdeithasol
• Gweithio mewn partneriaeth agos ag asiantaethau eraill er mwyn sicrhau bod unigolion yn manteisio ar ystod lawn o wasanaethau
• Nodi a rhoi sylw i sbardunau a sefyllfaoedd risg uchel a llunio cynlluniau atal llithro’n ôl
• Cyngor ynghylch atal llithro’n ôl a gorddos, ac archwilio canlyniadau defnyddio cyffuriau
• Hyfforddiant a darparu naloxone ar ôl rhyddhau

Ein gwasanaeth:

• Cynhelir sgriniad cychwynnol ar ddiwrnod llawn cyntaf unigolyn yn y ddalfa yn y ganolfan noson gyntaf
• Rydym yn darparu gwybodaeth am y gwasanaeth ac yn cynnig cyngor lleihau niwed perthnasol, ac yn hysbysu carcharorion sut i fanteisio ar y gwasanaeth os bydd gofyn iddynt ei gael pan fyddant yma
• Os byddant yn cytuno ymgysylltu â ni, bydd Arweinydd Tîm yn neilltuo Gweithiwr Allweddol iddynt
• Bydd y gweithiwr allweddol sy’n cael eu neilltuo yn cwblhau asesiad a chynllun gofal, gan drafod atgyfeiriad cymunedol a chynnig cyngor lleihau niwed
• Mae ymyriadau yn cynnwys gwaith un-i-un a mynediad i grŵp
• Cynnig cymorth gyda chyfarfodydd amlddisgyblaethol
• Cynnig gwasanaeth pwrpasol yn Adain Adfer Cyffuriau y carchar
• Mae cynllunio ar gyfer rhyddhau yn cynnwys cynllunio i gynnwys parhad triniaeth, trefnu apwyntiadau cymunedol, gwaith lleihau niwed, gwaith atal llithro’n ôl a hyfforddiant naloxone