Am DIVERT®

Mae DIVERT yn trawsnewid yr ymateb i droseddau meddiant cyffuriau trwy ddisodli’r dulliau arestio neu rybudd traddodiadol gydag ymyriadau ystyrlon sy’n seiliedig ar dystiolaeth.

Rydym yn cynnig addysg a chymorth i unigolion dorri cylch aildroseddu a gwella eu cyfleoedd mewn bywyd.

Yn aml, canlyniad ymddangosiad llys i’r rhai sy’n cael eu cyhuddo o gyflawni troseddau cyffuriau ar lefel isel yw dirwy neu ddedfryd o garchar am gyfnod byr.  Fodd bynnag, mae tystiolaeth yn awgrymu bod dedfrydau byr yn y carchar yn aml yn arwain at y troseddwr yn cyflawni mwy o droseddau yn y tymor hir.

Mae DIVERT yn cynnig dull amgen sy’n mynd i’r afael ag achosion sylfaenol troseddau bod ym meddiant cyffuriau.

Cynigir cyrsiau a llwybrau trin i oedolion a phobl ifanc y darganfyddir bod sylweddau a reolir fel heroin, cocên, canabis, amffetaminau a sylweddau seicoweithredol newydd yn eu meddiant.  Rhaid bod y symiau dan sylw yn awgrymu bod y meddiant at ddefnydd personol.

Sylwer:  Nid yw’r rhaglen ar gael i’r rhai sydd wedi cael eu dal am ‘feddiant gyda’r bwriad o gyflenwi’.

Mae cwrs DIVERT yn cynnwys:

• Cyngor lleihau niwed am gyffuriau penodol
• Cyngor am Naloxone a’i roi
• Effaith economaidd defnyddio cyffuriau a’u heffaith ar ffordd o fyw
• Cyngor a chymorth unigol wedi’i deilwra
• Atgyfeiriadau i driniaeth arbenigol

Mae rhaglen DIVERT wedi creu effaith gadarnhaol a gwerth parhaus i nifer o’n cyfranogwyr ac mae’n parhau i wneud hynny.

Manteision DIVERT:

• Lleihau aildroseddu a niwed
• Arbed amser a chost
• Dull atgyfeirio hawdd a chyflym i heddweision
• Dull sy’n seiliedig ar dystiolaeth, gan gynnig ymateb cyflym
• Cynnig cymorth ac ymyrraeth ar yr adeg gywir
• Atal
• Atal mynediad i’r system cyfiawnder troseddol mewn ffordd briodol
• Gwella cysylltiadau cymunedol/yr heddlu