Pam bod Cranstoun yn helpu

Yn Cranstoun, rydym yn credu mewn mynd i’r afael ag achosion sylfaenol troseddoldeb o ganlyniad i aildroseddu, a’n nod yw cynorthwyo pobl i symud i ffwrdd o’r system cyfiawnder troseddol.

Gall yr heddlu ddefnyddio Penderfyniadau y tu Allan i’r Llys (OOCRs) fel dewis amgen i erlyn rhywun mewn achos llys.  Gellir cyflwyno OOCRs cyn arestio rhywun (gweler ein gwasanaeth DIVERT am ragor o fanylion), neu ar ôl arestio rhywun fel rhybudd amodol.  Bydd amodau ynghlwm wrth rybudd amodol, y byddwn yn ei ddarparu trwy gyfrwng asesiad ac ymyriadau seico-addysgol gyda’r unigolyn.

Mae ein OOCRs yn mynd i’r afael â thrais sy’n gysylltiedig ag alcohol, a cham-drin domestig sy’n gysylltiedig ag alcohol, profwyd eu bod yn sicrhau lefelau uchel o ran bodlonrwydd dioddefwyr, yn ogystal â gostyngiad sylweddol mewn cyfraddau aildroseddu.

Mae gwaith gwerthuso a gynhaliwyd gan Heddlu Gorllewin Canolbarth Lloegr yn awgrymu, pan ddefnyddir OOCR i ddargyfeirio rhywun o’r llys am gyflawni troseddau ar lefel isel gan y rhai nad oes ganddynt fawr ddim o hanes troseddol, gall y gostyngiad mewn cyfraddau aildroseddu o’u cymharu â throseddwyr tebyg sy’n cael canlyniad yn y llys fod yn gymaint â 70%.

Mae modd arbed costau o ddargyfeirio o’r llys a sicrhau cyfraddau uchel bodlonrwydd dioddefwyr.  Yn y bôn, gall dargyfeirio ac OOCRs helpu i wella cyfleoedd bywyd unigolyn yn y dyfodol, ac mae’n amlwg bod y gostyngiad sylweddol mewn aildroseddu yn helpu i leihau’r galw ar blismona a’r system cyfiawnder troseddol ehangach.

Sut mae Cranstoun yn helpu

Mae Cranstoun yn cynnal OOCRs ar gyfer trais sy’n gysylltiedig ag alcohol a cham-drin domestig sy’n gysylltiedig ag alcohol ar draws ardal Heddlu Gorllewin Canolbarth Lloegr.

Mae cwrs Cranstoun am drais sy’n gysylltiedig ag alcohol yn cynnig gwybodaeth i unigolion am lefelau yfed mwy diogel, cyngor er mwyn rheoli faint o alcohol y maent yn ei yfed, sut i ddelio â gwrthdaro a hunanymwybyddiaeth.